Sabtu, 05 Februari 2011


BISMILLAHIRRAHMANIRRAHIM
ASSALAMU ALAIKUM WARAHMATULLAHI WABARAKATUH
ALLAHU AKBAR......2X
ALLAHU AKBAR......2X                       
ALLAHU AKBAR......2X
ALLAHU AKBAR KABIRA, WALHAMDULILLAHI KASIRA, WASUBHANALLAHI BUKRATAN WA ASILA, LA ILAHA ILLAHU WADDAH, SADAKAH WADDAH,.........
ALHAMDULILLAH
NAHMADUHU HAKKA HAMDI, WANASKURU HAKKA SUKRI, ASHADU ALLA ILAHA ILLALLAH WAHDAHU LASARIKALAH, WA ASHADU ANNA MUHAMMADAN ABDUHU WA RASULUHU, SAIDUL MURSALIM, AMMABAAD PAYA IBADALLAH, USIKUM WAIYAYA BITAKWALLAH PAKAD PAJAL MUTTAKUN. ITTAKULLAH HAKKATU KATIHI,WALATAMUTUNNA ILLAH, WA ANTUM MUSLIMUN. 
KALALLAHU PILKITABIL KARIM,.......WAMA UMIRU ILLA LIYA’ BUDULLAHA MUHLISINA LAHUDDINA HUNAPA A, WAYUKIMUSSALATA, WAYUTUZ  ZAKATA, WAZALIKA DINUL KAIMAH.
 SADAKALLAHUL AZIM......
ALLAHU AKBAR 2X....
LA ILAHA ILLALLAH,  ALLAHU AKBAR,  ALLAHU AKBAR,  WALILLAHIL HAMD.


  Kaum muslimin dan muslimat, tau toaku saribattang  julu agamaku tuni karannuanga ri karaeng Allahu SWT.         Sikamma pammujia rikaraeng Allah Taalaji, karaenna sangkontu alanga allonglong bonena, taenaya sangkamma sampajjuluna, iaji karaeng parallu ni somba, nipappalakki sikamma hajja pangngunjungia.
            Anne kamma niak ngasemmi atannu karaeng, battu ritampaka anne, ampandallekangi batang kalenna, siagang ati maci’nonna, kontu ci’nongna je’ne Zam-Zamnga, lannying sangkamma lannyingna anging baribbasaka.
            Anne alloa, allo nikarannuang, naki takabbere sibali-bali, assa’ra talang, anggalluru attangnga langi, kamma tommami  gunturu panggaluguna, sanrapang kila pangngulipa’na rilantang bangngia, appabenronga  binabba, appakalassaka ati, ampamebbereki lapisi’na buttaya, mandakkai moncong tinggi, ampamenggosoki langi tujua lonjo’na, kamma tommami  pakkasiatta battu lalang riatia, riulunna abba lompoa,assolong masarring mamo, battu riulunna binangaya, tama kulle nitahang tamakkulle niampa-ampa, annukung assulu nataena tahang-tahanganna, annukung assulu nataena tahan-tahanganna, angkanangi kana malompoa ri Allah Taala.
            Te’neki anne alloa, kaniak ngasengki salama battu ribombanna paggodaya, galluru mappa’lingua, allimbangi tamparang luara pammanrakia, kisalama battu rilabuang niminasaia, poro a’rannu-rannu,atte’ne te’ne pamai.
            Iaminne takabbere nabassarranga lila, nalassukanga sa’ra ribawa,assumanga sisambe-sambe, manrakkai bulu tinggi, annarrusuk naik rilangi makatujua, annambusu ati taccakko, ampantamai pakkasia takkacinikang, manggoda pakkanyame takkalaherang.
            Inaimo ati tamannenreng, je’ne mata tamammatti, pa’maik kerepi kutadeng tani pakairi-iri, pakkasia ante kammayapi tani pakabeleng-beleng,battu toana nasipattang lebba, assengka poro sinampe, nalansummo appalakkana.
            Anne kamma Karaeng niak ngasemmi atannu a’rurung kiti, ajjappa tassikali-kali, ansoeang sajadana, ta’gulung massing bida’na, tabbassara muri-muri tulolonna, purassi lobo rupanna, mata le’leng kurittana, kannying makkatiolo’na, munceng-munceng jabiri’na, bulu mata maccimpa’na, batang ka’muru bulo-bulo nipatanjeng, boddong rupanna rapang bulang sampulo angngappa, pila abboddong naroko talakko kebo, sangnging pakeang maccilla-cilla, romba mamo, nakallu-kallu rasa ba tamaona.
  Anne kamma tani assengai nibatei kerea ganna puasana, kerea puasa nataena nassambayang, kerea sambayang nataena nappuasa, kerea pole tappuasa tassambayang, iyareka assambayang  tammu taung, pa’lappassang tompi nassambayang, tani asseng kerea lama’nannungang sambayanna, siagang malla’na ri Allah Taala. Riniakna nagaukang sikamma passuroanna, naliliang sikamma pappisangkana.
            Kirupaimi anne alloa janjinta, naki pabutti panggaukanta, kateaiki Islam pa’belo-belo, teai tongki Islam nitempele battu pantarang, ta’ukiri ri KTPta,taccata risura’ nikka, kateai poro-poro Islam, mingka Islam ma’nannuanga tappa’na ri Allah Taala.
            Apaji na anne alloa, Jum’at, 10-9-2010 situru tanggala 1 Syawal 1431 H. Naki massing a’rappungang ritampaka anne, poro a’rannu-rannu, atte’ne-te’ne pa’mai, kaniaki salama battu ripammanrakinna siagang ripa’godana setanga, naki nia’mo  angngentengang sambayang pa’lappassang pappittarrang, ruang rakang nasaba Allah Taala.
Ripassala’na anne pa’lappassanga narampei Allah Taala:Ilalang (Su.Albaqarah.185);
WALITUKMINUL IDDATA WALITUKABBIRULLAHU ALA MAHADAKUM WALA ALLAKUM TASKURUN   
Battuanna : Paggannaki puasanu ribulang rumallanga, nampa attakabberekko ampaka lompoi Allah Taala, nalanri pappijojjo’na mange rikambe, dasi- nadasi nuniajja antama rigolonganna nikanaya tau massukkuru.
            Allo pa’lappassanga anne ni pajjari pammaressa rikalenta, pakkusissing ri atinta, poro ansailei bokota, antoaki bate onjotta, angngu’rangi panggaukang lebba lalota, annawa-nawai  bukuang kana lebbaka kibarebbesang, kimangngu’rangi angkana matea pila a’reppeseki rikalenta, umurutta pila mange allo pila  kurangi,sialleang labbusuki tani kasia, battui sallang pammallokinna matea, pabburittana ajjalaka, ammumbami Malakalmaut,suro matojenna Allah Taala,  erokki tea, battui sallang, anrantusangi nyawata tani sanna-sanna.
ALLAHU AKBAR 2X......
LA ILAHA ILLALLAH, ALLAHU AKBAR, ALLAHU AKBAR, WALILLAHIL HAMD     Inaimo tau taberu nyawana, tarannu pakkasia’na, kalebbami kijappai puasata, naki sambayang tarawe tonja, nasaba tappa simata, apaji naki ammoteremo tangkasa risikamma gau dosata, situru nakana nabbita:Riwayat Ahmad,Annasai,dan Al Baihaqi dari Abu Huraerah;
PAMANSAMAHU, WA AKAMAHU, IMANAN WAHTISABAN HARAJA MINJUNUBIHI KAYAUMIHI WALADATHU UMMUHU.
Battuanna : Inai-naimo tau appuasa riallona, nassambayang tarawe rigau’na bangngia, nalanri tappa, kammayatompa nakarannuanna Allah Taala ammotereki antu tangkasa dosana sangkamma todong anak lolo beru lassuka battu ribattanna anronna.
            Anne alloa, manna mamo niak susata, mingka susa naroko rannu, teai rannu nipare-pare, mingka rannu passarena Allah Taala.
Nakana Nabbita : LISSAIMI PARHATANI PARHATUN INDAL IFTARI WAPARHATUN INDA LIKAI RABBIH
Battuanna : Naiaya tuppuasaya pinruangi ni padongkoki rannu, rannui riwattu abbuka a’lappasa’na, rannui nalanri lassicini’na sallang karaenna riallo riboko.
ALLAHU AKBAR 2X...
LA ILAHA ILLALLAH, ALLAHU AKBAR, ALLAHU AKBAR, WALILLAHIL HAMD
Riwattu kammayaminne, nabiasa tamakulle nitahang pammatti’na je’ne mataya, nasaba jaina niruntu ninawa-nawa, ka risitaung nia ijaki sipa’rurungang. Anne kamma niaki nasimbang dolangang, ansombalang tallasa’na ribori maraeng, poro amboyai katallassanna, abbengkoro nakku, kuring-kuring erok cinnana,assicini bija pammanakanna,manna sialloja,punna tena nakkulle labbi risialloa.
  Niaka ammantang se’reang bori nau’rangimi ammotere butta passolongang cera’na, ammempo tapakkoro mami kalanna-lannassang, annawa-nawai sipa sare-sarenna. Nakkumi risaribattanna, labbipa riruaya anrong tumallassukanna, nanakana riatinna angngapa kunia kammanne mae, ripa’rasangang mabellaya, nania tonja kampong kamase-maseku.Nakkuma anne rikampongku, kuring-kuring riballakku,apa gaukku, kana simbangma dolanga.
            Tani sa’ringami a’lengang je’ne matanta, ninawa-nawa tumatenta, paccemi pa’mai’na anrong le’baka namatei anak, dinging-dinging nyawana tau beru ammoteranga pakkalabinianna, nau’rangimi rewasa lebba laloa, riwattunna tinro sipattinroang, se’re pa’lungang najulu, se’re lipa siasorang, se’re kalimbu naruai nakalimbu. Nacini’na paranna baine sirenreng sikailima ribaine bura’nenna, sijalling para ta’muri, para saile tassikali-kali, nakana riatinna, rannu mate’nepa taua, sunggu tena jorenganna, nakke kodong pa’risi tena rapangku. Burane julu erokku palla’mi tammaaling-maling, abbokomi tamangngurangi, mingka lani apai paeng, lebba ia paiyoku, lebba sare natawaku, kupalili ia iji, kubuang nataba iji, kupasambila ia lebbaji natuju. Bellami rijanji kupajjuluia, te’ne kuminasai, jammengki kirua jemmeng, pakkekepa appasisa’la, kiminasa se’re kuburu kirua.Punna kiurangi ngaseng anne kammaya, je’ne mata mami nipare pannyaleori. Apa paeng kamma tongiseng sarengku.
ALLAHU AKBAR 2X....
 LA ILAHA ILLALLAH, ALLAHU AKBAR, ALLAHU AKBAR, WALILLAHIL HAMD
            Pacce sannami liwa’na anak beru nipilaria rianrong tumallassukanna, mangge tumappajjarina, annya’la,ta’leo ri paranna tau, tamaggabung paranna anak-anak, naasseng tongi kalenna tassanrupa paranna tau, ta’baju beru tammake sandala beru. Ammake berui sallang, pakeang sanna kaddoro’na, labbi napa’roko kanre maudu, niallei sallang nikatuwa ri purinanna, ribija pammanakanna, nipajjariji jarang patteke, nisuro nani gaggara tabbentang, nipakkanai tucilaka, tupatula-tula kamma, erokki resseng natena napa’ressengi, begitulah anak yatim piatu  yang hanya bergantung kepada kedua orangtuanya, namun kedua orangtuanya sudah tiada. Dunia tempat berpijak bagaikan duri di tapak kaki, langit tempat bernaung laksana api di ujung rambut.Nakku ngasemmaki anne, ero assicini-cini ,sitaggala lima sijaba taengi, sipala poppori, simaafakkan risikamma katasalanta, singai sikatutui, sikamaseang ripassimbangenta.
Kiparessami ridallekanta, cini massing rikananta, jallimi rikairinta, assaileki mae riboko, assania’na kurang ripassimbangenta, manggetaka, ammattaka, anattaka, anne kamma tenamo kisipammempoang, tenamo kisipa’rurungang, nasaba anne kamma niami lengka rianja, iba’leang ripadataring,  sileporang amala’na, attayang pappala doang.Palla’-palla’na anjaya appasisa’la tau tena sila’leang.
ALLAHU AKBAR 2X....
 LA ILAHA ILLALLAH, ALLAHU AKBAR, ALLAHU AKBAR, WALILLAHIL HAMD
Nahallallammaki Karaeng Allah Taala, mangnganre mangnginung  anne alloa, angkanyamei pappidalle’na, tenamo halanganta, apparumbu kaluru kairi kanang, tenamo naki parallu angnganre accakko-cakko, rigadde nitongko-tongko, angkacinikang bangkenna, takkacinikang ulunna, labbi napelleng pocong, anggau nassipa miong, accaruara te’te tuju, abbettese tette salapang, accilla battanna, nalu’lu muncenna, irawa dunduna, sayu matanna, ta’do’do’, dodong tanja’na, lausu nipare-pare, anjokapaeng, tukasungeang napakamma kabassorang. Tana kasirikang kalenn, tenaya kabe-kabena, tenaya pangngali’na, labbipa langngalika, sirika ri agamana, nampa eroja mate, annobo sagge  pangngulu , punna nikana tau tena agamana.
ALLAHU AKBAR 2X...
LA ILAHA ILLALLAH, ALLAHU AKBAR, ALLAHU AKBAR, WALILLAHIL HAMD

            Rilebbatta anne appuasa nirapangki tau battua abbundu, naki niajja ammeta, namanna sipappa bulu-bulunta tania tugguru, manna siatti cera tania tabballe, tena tonja je’na mata a’lete, tena tonja nyawa a’lampa. Tenaja kilebba allangngere tau mate nabuno puasa, iaji biasa kilangngere tau mate napassabakki pangnginungang, iyareka napa’lukkakkang.
 Naia bundu paling sannaka lompona. Nakana nabbita :
            RAJAKNA MINAL JIHADIL ASKARI ILAL JIHADIL AKBAR
Battuanna: Ammoteremaki anne battu ribundu caddia, lani pantaimi seng bundu kaminang lompoa, iyamintu jihadin nafsih, ambunduki hawa nafsuta.
            Kaantu appuasaya teai bawang antahangi, tangganrea siang tangginunga rigau alloa.
Nakana pangngajara’na agamaya :
            IJA SUMTA, PALYASUM SAM UKA, WABASARUKA, WALISANUKA, ANIL MUKAJJIBINA WALAMA’SUM.
Battuanna : Punna appuasako papuasai pallangngere’nu, paccini’nu, siagang lilanu battu rikana abballe-ballea siagang gau dosaya.
Tena naparallu  nipilangngeri kana ta’matu-matua, kijagai lilata battu rigau piti kana-kanaya, pabicara ribokoa, appanjorengang panrinnianga bicara tak matu-matu,  teaki paleleangngi tauwa rikarobba’na, gassingka taki assennaji kalenta sarakatiang. Kapunna niaki rikammaya anne sia-siaji amala puasata.
Nakana nabbita : KAMMING SAIMING LAISALAHU MIN SIAMI ILLAL JU U WAL ATAS
Battuanna :Masarro majai tau appuasa tena wassele nagappa battu ri puasana passangngalinna cipuru na turere. Poso aluji arena, sossoro paddinging soro.
ALLAHU AKBAR 2X....
LA ILAHA ILLALLAH, ALLAHU AKBAR,  ALLAHU AKBAR, WALILLAHIL HAMD
Ripassimbangenta anne niakmo antagalagi bandera pammetanga, niak tommo anta’galagi bandera tuni betaya, sukkara’mi nibatei nalanri niattamo sicampu-campuru. Manna nakamma mamo anjo, kacinikan tonji  pammateinna tau ammetaya, iyamintu tau niaka attojeng-tojeng appuasa, anggaukang passuroang, nalliliang pappisangka, nasa’ringi puasa, pi’lasa tanja’na, minka cayai rupanna, napassabakki rannu singara’na agamaya.
            Naiya tosseng tunibetaya, iyamintu tau ambawang-bawangngi agamaya nasongkangi parentana allah taala. Battalaki nyawana angngonjo masigi, assambayang tonji minka rumallampi, labbusuki rumallanga labbusutongi sambayanna, assambayanji mingka nalanda-landai, sawepiseng, salewngang tompi, susa tompi sedeng, iyareka iya nassambayang, punna ammanaikangi ripasambayang, niappa sedeng nacani-cani ripasambayanga, nampa assambayangi, nagappai nakerokia tena tommo nassambayang. Iyapa nanau’rangi Allah Taala punna garringi, susapi nanasabbu Lailaha Illallah, punna gassingi nakaluppai kanjeng-kanjengi Allah Ta’ala.Iareka nanakana lareka nanakana lailangkara Illallah.
            Appuasai sallang teanaji nikana, punna abbukai anu haramji napa’bukai, tuli natungguanji je’ne’na  ilabbu leko, appatimbu’buru je’ne panjaguru, annunggeng busu, apparabba cirigeng, annyu’nyuru susu kebo cap gambang, anjari sahabatji ANITA  alias ballo [ase, nipa, inru, tala] nappare je’ne inunga, natambai pole, bir, brendi, wiski, jenever, cap tikus napare pannyaleori, napacukkuki pole siagang ganja, ekstasi, sabu-sabu, busa-busa nabettese ngaseng.
 Punna accarita agamaki tettereki pa’risi nyawana, napica ulunna, nakana garringi, nakkaro-karomo appalak kana kajai  dudumi garrinna.
ALLAHU AKBAR 2X....
 LA ILAHA ILLALLAH, ALLAHU AKBAR, ALLAHU AKBAR, WALILLAHIL HAMD
            Rigau lebbattamo anne appuasa, siapami sipa kipappa, ero cinna kiparrangngi, siapa tommi gau kana-kana tasiratang kisabbi-sabbi. Kaantu appuasaya battuanna apparrang, iyareka angngungkui. Kammapi anne nampa nia wasselena puasata.
Ante tongi kamma zakka fittaratta, siagang zakka barang-barangta apa lebbami kipasulu ? katena natangkasa antu barang-barangta punna tena kipasuluki sakka’na, punna nakaniakkiki sara’, kapepe naraka antu ki kanre. Naiya zakka fittaraka punna tena kipasuluki, ra’masaki antu batang kalenta, naiya amala puasata ta’gentungi ripassimbangenna langika nabuttaya. Eh...parangku Imam pakumpulu zakka. Apakah lebbami kipabbageang zkkz niak ki kumpulu ?. Siratangki siri-siri punna mangeki assiara riballatta nania inja karong fittara riballatta ammenteng. Kaantu zakkaka kanrenai tukamase kasi-asia. Nakana Allah Taala dalam Q.S At taubah ayat 60 :
INNAMASSADAKATU LIL FUKARAI WAL MASAKINI WAL AMILINA ALAIHA, WAL MUALLAPATI KULUBUHUM WAFIRRIKABI WALGARIMINA WAFISABILILLAHI WABNISSABILI FARIDATAN MINALLAH WALLAHU ALIMUN HAKIM.
Battuanna: Sitojeng-tojenna sakkaka bageannai pakkereka, miskinga, tau angngurusuka sakka, tau ninyonyoka ri  Islamnga, tau niataia, tau tambunga inranna riagamana Karaeng Allah Taala, tau niaka ilalang susah ripajjappanna. Risikammaya anne nawajibkangi karaeng Allah Taala. Masarro na assengi siagang niaki aggau adele.
ALLAHU AKBAR 2X....
LA ILAHA ILLALLAH, ALLAHU AKBAR, ALLAHU AKBAR, WALILLAHIL HAMD
Ke’nanga gassing labbu dudu sepere’na, a’rotasa rekeng-rekengna, punna erok napasuluk bone koccikanna, rakka atinna punna ni pappalakki sumbangan. Passarena riparanna rupa tau napinawang  kella-kella, ritana balasa’na tau natulunga lebba lalo nacarita, natanroi saribattanna napinawang cani-cani. Assarei silama attayangi sirappa, assarei se’re attayangi sampulo, assarei sumbangan teanaji nikana gi’gili na sibaku, assarei sallang napinawang moro-moro lalang pa’mai, assidakkai sallang napinawang pannyassala lalang ati. Pangngainna ri Agamaya pangngai addengke-dengke.
Allahu Akbar 2X...LA ILAHA ILLALLAH, ALLAHU AKBAR, ALLAHU AKBAR, WALILLAHIL HAMD
            Jai kamma-kamma anne angkanai kalenna Islam mingka panggaukannaji kapereka napanggaukangngang, sigau bawangi, nasibawang-bawangngang. punna nakana bajiki rikalenna langgappa katarompokang, najamai manna lammanraki tau jai. Hallala hallulu na amba ngaseng. Ammintimmi naajjujung, abbasami nangngiru, angngocciki naung naangngayao naik. Manna kanrena rakyaka nakota ngaseng, tana asseng kere gaji kere bantuan, assala doe moncombuloi matanna, lango-lango paccini’na, rakyaka nipare’ pau, nampa ia antannang kalenna mallaku-laku.
            Jari tuni sarea panrannuang, ciniki kabajikanna rakyat tau jaia, teaki pareki pangnganreang tau jaia, kipajappai atoranna agamaya, teaki allei sipa’na tummuea bulo, se’re nionjo nani lissarrang, se’re niangka nani junjungang, punna golonganna, bija ma’repese’na, tongoloki nabuta bulasara, punna niak aggauk sala, minka punna tumaraeng  tettereki nagau bawangi.
            Ikatte rakyat tau jaia, teaki dangku ripammarenta, kigaukangi ero’na pammarentata, kuttuki abbayara pajak, iyami  gassing na tajappa pembangunanta, iyapa nabaji  punna nia pammarenta nania todong lani parenta.
 Nikana kate’neanga nibage, kasusanga nilema-lema, kalebbakkanna iya tonji lebba gollaya te’ne, naiya pariaya sileporammi pai’na. Iyami najjarimo saba’, nalonjo-lonjomo kapanrakanga. apaji nabellamo barakkana Allah Taala. Nikanamo butta coppong nipammantangngi, manna kalongkong nilamung mattimbo ngaseng, kalebbakkanna pajama baraki kimmalli berasa, palamung-lamungki kimmalli gangang, patarima  gajiki nani sawala abbalanjaya.
ALLAHU AKBAR 2X....
 LA ILAHA ILLALLAH, ALLAHU AKBAR, ALLAHU AKBAR, WALILLAHIL HAMD
            Aggauk bajiji ke’naninga, mingka jaiyangngangi bengkoro’na, kammai bulang kalapakkana rirammang, niak bulanna mingka tena sioro’n, niakebo’na mingka tambungi campalogana.
            Pila jaimi anne kamma professor, sarjana tucaradetta, kiai, ulama,tupanritata, mingka bellai rirupa napanggaukang, assisalai bulunna natingkokona,iburi accalla naibakka kodiangngang,  ia nipattiggalli naia tepo, ia nipammanjengi naiya tumbang,  ia nipaddumpingiki naiya sappe, ia gora ia ngimbolong, ia jaga ia jangge, ia kote ia bayao, ia teke naiya kanre lampai teke’na, ia toana naia balala angngang, ia bicara korupsi nampa iaja paling jai nakorupsi. Apamo takamma kasetanga mami nahawa nafsua napare agang, siagang bela-bela tallasa’.
Allahu Akbar,Allahu Akbar.
 LA ILAHA ILLALLAH, ALLAHU AKBAR, ALLAHU AKBAR, WALILLAHIL HAMD
            Ikatte rupa taua ruai musuh paling bahaya, iyamintu setanga siaga hawa nafsua, jai tau caaradde minka napakei kacaraddekanna ampattolo-toloi paranna rupa tau, nasaba cinna hawa nafsua, tana assaeng kere bija kere pammanakang, kere warisina kere bageanna, akkalliki sallang napalimbangi kalli’na, attingkasaki sallang napalimbangi tingkasa’na, anunna natumbang anunna taua natappe tojeng,abbagei sallang nakana tawana tawaku, tawana tubagea, sialleang niaki ke’naninga napaccu’lakki sipak angngoa, napattimboi sipak kikkiri paro gallanga, kabengkorang iri ati nakodi kero, nabattui tampo, puji kale natinggi langga, kalenna mami kuasa,iamami baku ero, kalenna mami gassing, pattujunna mami anjari, na alle ta’le bageanna saribbattanna, sanggenna tana silama tassi pammuntulang baji, sipakkantorang ripengadilanga, jangan sikayu, sigantiro, sisambung tembo, tassipammanaikangngi, sipangngalleang pepe’, besere anak-anak naero sikalewangngi, bicara anribba-ribba nassipaccubbeki, tassingai sipammanakang, sipammoli-molikang, sipangngammukang taipa lolo. Issengi angge’ anne linoa empoang appassalasa, gassing rawangngannapaki sallang buttaya, attumigisi ammulu wara naki sasala’ kalenna, kanne lino empoang lani bokoi, anjaya mangngalle padataring mallebangang, iyami gassing nalonjo’-lonjomo kapanrakanga.
Napakaingaki Allah Taala :
            DAHARAL PASADU FIBAHRI WALBAHRI BIMAKASABAD AYYIDINNAS LIYUJIKAHUM BADDALLAZI AMILU LA ALLAHUM YARJIUN.
Battuanna : A’lahereki, akkacinikangi kapanrakanga ritamparanga siagang ribontoa napassabakki, panggaukanna tonji rupa taua, napaccinikanki Allah Taala sollana naki ammotere riagang mannabaya.
Teami wattunna nicakko tojenga, nasaba ero’na rakyaka, pappijo’jona agamaya, nakana Allah Taala :
WALATAL BISUL HAKKA BILBATIL WATA’TUMUL HAKKA WA ANTUMTA’LAMUN.
Battuanna : Siagang teako pasicampuri ke’nang, tojenga siagang salaya, barangkana tojenga niaki nucakko-cakko, nanu assenja angkana anne tojeng anne salah.
Apaji napunna erokki acciniki baji pa’rasanganta, ammumba kasempoanta, baji kasalewanganta,  teaki bellai riero’na agamaya, kipa’rupai nikanaya ajjulu kana, ajjulu ero ribajika, kipapbutti rinikanaya assipakalabbiri sikamaseang, abbulo sibatang,  assipakalabbiri nassikamaseang, accera sitongka-tongka.
ALLAHU AKBAR 2X....
LA ILAHA ILLALLAH, ALLAHU AKBAR, ALLAHU AKBAR, WALILLAHIL HAMD
            Tena memang nalewa pa’rasanganta, katappaka ajjari pabbelo-belo tallasa mami, tenamo nallantasa antama nabbone kambu, addanggangi sallang jaiyangngangi pabballe-ballena, angngukkuruki aklukkaki metere’na, animbangngi sallang aklukkaki batu dacinna, a’litereki sallang punna malli litere nitumbu naung, punna balu litere nitumbu naik, juku bo’no nabalukang nanakana tembang barueng,daging a’rasa nasapui   cera beru.
            Tauwa boya allo sanggena bangngi, ammatti je’ne songo’na, minka iya aggauk pa’nyiki, tinro bokko punna allo, bangngipi nabboya-boya, tauwa sitangnga mate akkatua olo-olo ia angngalle ta’lei, ia taggala’na anunnu anunku iji, anunku anunku memanji, tena kamboti akkulle taggentung,  jangang angngoppoki napasialle bayaona, tena bara tana kocci, tena bulona nagassing abbalu lebong, untia nampai liung nana tabbang, rappo ciduka nampai kellu nana taro, birallea nampai barrasa nana alle nasappe rate, lame kayua nasuere labbi nabawi. Mangei sallang rimasigika nakana ustaska allei bajika nanu pela kodia, naallei seng taua sandala baji’na nana bolikang taua sandala cappina.
            Nigappai sallang nijakkala ripolisi punna baribbasa, assuluki punna karueng, nijakkala punna karueng assuluki punna baribasa, kanirannuanga ajjari penegak hukum, ajjariji padanggang hukum. Bukan membela yang benar tapi membela yang bayar,  iayaminne anronrongi kampongta, appatiling  pa’rasangang, susaji tauwa rikaniakkanna, jojaji tauwa rikabattuanna, kateai singara naerang, teai ero’na agamaya napanggaukangngang.
 Napunna kacinikammo kapanrakanga, susamo katallassanna, pila tipisi tommi Imanga ribarmbanna, nakaluppaimi Allah Taalah, napakalompomi berhalaya, angnganro-nganromi risaukanga, appala-palami rikuburuka, mangemi allappasa bembe ri ko’banga, ri lakiung, mangei ribussakking ricampagaya, tujua rigalesong, karaeng sayanga ribeba, karaeng botoa rilassang, mangemi ripattallassang nana paracaya angkana akkullei labbui umuru, akkule appabattu dalle nakammaja soro kaunna, appaturung pangngamaseang, appabattu garring, annyungke sura nikka nakammaja lolo bangkona.
            A’lamung-lamungi  sallang assuro ciniki wattu, teai ri wattu leko, eroki riwattu rappo, kalebbakkanna wattu bekkanji nataba. Appabbuntingi sallang jai kasipallinna, tugauka piwattu, Imanna piwattu todong,  teai rinakasa, naminasai ana’na, mintunna assilabbui, kalebbakkanna niaki sitalla tallu.
            Nia sallang tumatenna, appitaggalami tana, angnginrang kiri kanang, nana alle tujuna, patampulona, nareja-reja, napammolongangi bembe, nappanaung katinroang, pangnganreang, assuro ammaca, appasabbi rinabbita, nakapeki ambu, napainroi paddupang. Naranranga kabiasanna tutoana, kabiasang tannaba-naba, appalingu-lingu katenai ilalang riparentana Allah Taala kammaya tompa risunna’na Nabita. Napunna lebbamo a’reja-reja, a’rannu-rannu, assikakkali sipammanakang. Nabattuimi pusing, kaniami pasingara,na, katambungammi riinrang, nasalangmi tumatenna, nana kana tau cikala mantodong,matemi napassorokau ija.
ALLAHU AKBAR 2X....
LA ILAHA ILLALLAH, ALLAHU AKBAR, ALLAHU AKBAR, WALILLAHIL HAMD
            Parallui kilawa kalenta, anatta, keluargata, battu ripanggaukang setanga, nasaba a’nyatami ri dallekanta, tabbayang ripaccinitta adat tannaba-nabaya, akkunjung riballatta, ni rampe ri TV, a’lamba riantene, a’lete ri parabola, nia kebo’na amminawang bantinantanna.
            Akkacinikamminne kamma, baine pungku bongkia, akkacinikang potina, tabbayang apa-apanna, ta’no’no, ronrong bulu ruana, taggendolo labbi narappo cidu takkamboti, akkacinikang ipana, anta’le-ta’le pajana labbi najarang nipa’lumbaya. Pakeanna bainea, bajunna sala jai, saluarana taganna kaeng, seppa rate rawa, takkikki kiri kanang. Nibeso’ naik tanrapi naung, nibeso’ naung tanrapi naik. Akkacinikammi tasiratanga nicini, apaji napunna ajjappa labbi napelleng india.
            Naiya saluara’na, bajunna seppa ngaseng, apaji napunna ajjappa sangnging mami ammege, labbi na Ayam potong.
            A’rok turungi sallang na allei seng nasappe sagge pungku, apaji nabella ija bura’nea, nanjanjang na’tisi-tisi, akkida-kida pare’re, nanakana annyamanna assauna dg. Ngimang.
            Angngapakanjo kau bainea nu’tabbese-bese kamma, najai kamma tanja-tanja’nu, tena giok nuboli-boli, tena tau nutauang, anjo uka nabodo kamma, kanukua naeja kamma, kannyinga sagge gaga nukkalluki saggenna lannying, nanu sambei cumi potolo, kamma tommami kulipasa a’lamba tallua. Napunna assongo sangnging mami attalemusu, kamma lebba miung pasumbala uring.
 Aggaya tommi tutoaya, nasassala kalenna riolo lassu, kapila riboko pila sarringi modea, toami najai giok, uampi napore mode, akkanrepu’pi nanakallu minnya-minnya, cammomi naggigi palsu, napila sanna balere’na, kamma lebba Datuk Maringgi.
ALLAHU AKBAR 2X...
 LA ILAHA ILLALLAH, ALLAHU AKBAR, ALLAHU AKBAR, WALILLAHIL HAMD


            Nabura’nea aggonrongi na anting-anting, appontoi na’rante kalong, kamma lebba kongkong cina, uk le’leng nani pirangngi, nikunyiki iareka  nani ejai, kamma tommami setang a’nyata, ajjappa ritangngana rupa taua.
Iyangasemminne napanra’mo jari taunta, nampapi kalasa appa naniamo sura’ cintana. Napunna nipauangi Maggena, Anrong tuma’ pajjarina, apa papiwalinna kacinta Monyejji antu,.Apaji napunna lompo kamma mami dare kasappeang. Natabamaki garring piti, pitipina-pinawangngi, anturuki yahudia, amminawang ri nasrania.
Napakaingaki Allah Taala :
            WALANTARDA ANKAL YAKUDU WALAN NASARA HATTA  TATTABIA MILLATAHUM.
Battuanna : Tena nasannang nyawana yahudia siagang nasrania mange rikambe punna tena kimminawang riatoranna agamana.
ALLAHU AKBAR 2X....
LA  ILAHA ILLALLAH, ALLAHU AKBAR, ALLAHU AKBAR, WALILLAHIL HAMD
            Oh....andikku tau rungka tau loloa, angngapakanjo nubebasa kamma, sipa’lomang-lomangngang, nubura’ne nubaine, natenapa nusiratang turu’ riagamaya, apa pappualinna, anne kamma jammang reformasi, jammang tena sipassang, teami jammang paromang, Jammang nikurunga ilalang bili.
            Napunna nikuta’nangi, mangge tumappajjarina, anrong tumallassukanna, apa pappualinna teakmako pusingi kamma tongiseng ero’na jammanga, katala’nu tommo massing kangkang, apapaeng kassingai, lebbamintu tukar cincin. Iaji nakke nakke kukamallakkang punna gappa tukar kencing, natenapa nasiratang turu ri agamaya. Lanri kammanaminjo najaimo tau kasosokang  ridinging, bukku mange ridallekang, simingguji lebba’na bunting nalingomo rikacci-kacci, taklakkakkapi dego-degoa, lasugia menteng iji, naniakmo accaru-caru, angngalle areng naberupa lebba appa’bunting.
ALLAHU AKBAR 2X....
 LA ILAHA ILLALLAH, ALLAHU AKBAR, ALLAHU AKBAR, WALILLAHIL HAMD
            Oh...andikku tau rungka tau loloa kupasangko anne kamma pappasang agama. Punna ammalliko cincin bajika parammatana, jarreka boli’na, nanikana kasipallia lammalli batu-batu riaganga, nakana sallang taua ammalli tonjako antu, minka batu-batu napatannammo kalenna, teako ma’ring najina lemo cina riaganga, bate ka’muruji antu, bate pammicakkang mami.
            Oh...ikatte tau toaya, ikatte antu ampajjari taui anatta, naiya nikanaya tau toa, anrong guru rianakna, carammengi rijari taunna, lanri kammanaminjo      teaki longngang ribawa, ribura’nenta, ribainenta, rianatta, sikalabineangki antu, poro    sipaka labbiri singai sikamaseang. Kebukit sama mendaki, kelurah sama menurung, berat sama dipikul, ringan sama dijinjing. Ada sama dimakan tak ada sama bertahan.
            Iyapa nammuntulu salama anatta punna kipasikola, kiajara riagamaya, kiajara kana mabaji, kana-kana pangngadakkang, upatta ia punna anjariangki anak shaleh, iami sallang lampappala doangngangki, punna niaki lengka rianja,cilakamaki ia punna niakki anjariang anak salah, nasaba iami sallang lampabbeserangngi barang-barangta, punna niaki ammoterang, kabarangtaji nangai na batang kalenta narapangji batang mammayu.
 Ikatte ngaseng anne, lebbakki nikatua, nikimbolong, rianrong tumallassukanta, nipakalompo ri mangge tumappajjarita. Punna niruntu ninawa-nawa, pakkatuana tutoaya, paccei nyawaya, romo buku-bukua.
  Rekeng-rekeng sai siapami pammajikinta riruaya tau toata, kipasirekeng siapa pammallasinta, siapa bajitta, siapa tommi dosata, pissiapami kipamuri-muri, pissiapa tommi kipaka balli-ballisi, kipaka camme-camme, kipalengang je’ne matanna. Pissiapami kipakasanna nyawana, ma’nassami lompona dosata.
            Lanri kammanaminjo, naki ammotere anne ripa’lappassanga kipigappa-gappai laloi ri ruaya tau totata, kitagala kibau limanna, nanikanang pappala popporo’ta nana patanro todong limanna, nammatti je’ne matanna, panganrona,  makkuring-kuring, mangngu’rangi pappaka lompona rije’ne susu tallasa’na, pakraka passulepa’na, pammurusu pa’minasana, nama’ kelong lalang ati, lompo laloja anakku,nana balasaka te’ne, kurannu todong,kusunggu nampa kujammeng. Anak tinromako naung, paselaki matannu, mata ta’doddo pa’lungang manakku tommi. Anak teako rerai nikatua kasi-asi, mannantu nakke kammatonji pakkatua tallasakku.
            Si’rangka kilabbangi ballaka kipanaiki,coccoranga kipati’galli, timunganga kipantamai, naiya kanre jawaya,burasa kibarrasa ngaseng, nilabbangngi kamponga nipamminroi, mingka kikaluppai ruaya tau toata.
ALLAHU AKBAR 2X...
LA ILAHA ILLALLAH, ALLAHU AKBAR, ALLAHU AKBAR, WALILLAHIL HAMD
            Maemaki naki massing ampina’naki, se’rea hikayat ia antongkoki anne hutbaku.
Niak se’re balla appaki ammantang ilalanna, iyamintu bura’nenna siagang bainenna, anakna sitau-tau, siagang se’re tau toa lowa-lowa.
Mingka nasaba’ tau toa bura’ne marantasa dudu tanja’na, nasaba sanna’mi lowa-lowana, nampa mintu baine sekke, pamoro-moro, nasanna pa’ringi-ringikanna, pajamma-jamma ribura’nenna, nampa bura’ne langnge-langngerang, nipadundu pacconga ribainenna, nampa cucu ma’dakki rinene’na.
  Apaji naniakmo se’re wattu, nasaba’ tenamo nasipammuntulang baji ilalang balla, nasaba tuli ballisi’namo nacini’ tau toana niaka naballaki, manna mamo nanasa’laja urinna, napapparekang kamara accakko-cakko risa’ri balla’na, labbi nakandang bembe, kaero’mantongi napattasa lapung tau toa.
 Ti’ring niak se’re wattu, nattimbomo pikiran salana lapung anak siagang lapung mintu, ero’ ampasa’ri, ampelaki tau toana rimabellaya, apaji naccaritamo sipa’rua sipakkalabineang rikatinroanna, poro ampelaki tau toana kontu barang tani angga, mingka tani assengai angkana nipitoli-toli rianakna.
 Narapi’na danniari napangngalleammi kamboti pun tautoa, poro lana bonei ampelaki tau toana riromang tani salla-sallaka, jai olo-olo manye’nyere. Apaji nana allemo kambotina, nana pantama anne lapung tau toa, napakalengkeng rikambotina, nampa nadengnge monjo mange a’lampa. Ammallasa’mi kodong je’ne matanna tau-toana, ta’rimba-rimba bawana, camme atinna, dinging-dinging pa’maina, ancuru bone kambunna, angngarru tassunge’nge’ lalang kamboti, nana kana riatinna, upa’na tau anjariang anak, nai nakke kucilaka kamma, kuparakaiko anak sanggennu lompo, kuminasaiko baji nanu balasaka’ te’ne.
OOH....Anak, golla kutayang rikau angngapana paria pa’balasa’nu, te’ne kutayang angngapana pai’ pa’bayara’nu. Basami baju kekke’na lapung tau toa napakamma je’ne mata, narapimi tampa pammelakkanna, romang sannaka lantanna, kuburang pammelakkanna. Mingka riwattu lana pela’na, nia mami puncucu ammenteng ridallekanna manggena, tena maraeng anak sitau tauna. Sala pippi’mi manggena pi’lasa kalanna’-lannasang, nanakanamo anakna lani erang kemae toaku. “EH... mangge lajjari neneka”. Nakanamo manggena laku pelaki anak, nasaba’ tenamo matu-matunna neneknu tallasa empo rilino. Nakana anakna lebbakkaji kipikki-pikkiri ?. Nakanamo manggena lebbami, kutinro-tinroang, kuempo-empoang tommi. Sannangangngangi nyawaku anak, punna tenamo neneknu niparakai, kammantanji a’ranta’-rantasa, attattai, natta’mea rikatinroanna.
Appoalimi anakna. Punna kamma antu paleng erangmi antu  nenekku mange pela’, kakamma tongi seng sare takaddere’na. Mingka ia se’re pappalakku poterangnganga antu kambotia, napunna salang se’re wattu nan tama’mo toaya rikatte, niak todong kupare kamboti pammoneanta, punna sanna’mo toata naku boneang tongki, laku pela’ ribellaya. Nasaba’ anne kucinika ajjari conto pappilajarangi rinakke.
 Lappasa’na bukuang kananna anakna, nabattuimi kacima sibatu kale, ammenteng bulu-bulunna, napinawang je’ne mata. Apaji nanapadongko baji-baji lapung tau toa, nana pasulu rikambotina, sujju ripalak bangkenna, naraka napasiraka anak sitau-tauna.
Ante kamma pakkatuata ritutoata, kamma tongi sallang pakkatuana anatta rikatte. Ada ubi ada talas, ada budi ada balas.








Allahu Akbar 2x...
LA ILAHA ILLALLAH, ALLAHU AKBAR, ALLAHU AKBAR, WALILLAHIL HAMD
Maemaki naki massing appala doang. A’nganro riAlla Taala
Ø Oh.. karaeng lamungi ribarambanna atannu sipa tappaka ri ia, sollanna nana ballakki nikanaya kaadelang, nammenteng rikattojenganga, natena napake salai kakoasanna, angngalle ta’lei bageanna taujaia.
Ø Oh.. karaeng tea laloko passangi ammotere annanggala kakoasang tau tenaya nammenteng rikatojenganga, tenayya nattanggala rikaadelang.
Ø Oh.. karaeng pajjari passamaturukanna atannu poro ambangungi anne pa’rasanganna.
Ø Oh.. karaeng kipammopporangi sikamma dosa katassalanna atannu, labbipa sikamma pemimpinga, nanu palappasa ngaseng karaeng battu ripasse’ sana naraka. Amin ya Rabbal Alamin
Ø ALLAHUMMA IZZAL ISLAMI WALMUSLIMIN. WA AJILLA SIRKU WALMUSRIKIN,
Ø ALLAHUMMA RABBANA LATUAHIDNA INNA SINA AUAHTA’NA................
Ø RABBANAG FIRLANA, WALI IHWANINALLAZINA, SABAKUNA BIL IMAN WALA TAJ AL FIKULUBINA GILLA LILLAZINA AMANU RABBANA INNAKA RAUFURRAHIM.
Ø RABBANA ATINA..........................
Ø SUBHANA ROBBIKA ROBBI IZZATI AMMA YASIFUN WASALAMUN ALAL MURSALIN WALHAMDULILLAHI RABBIL ALAMIN
WASSALAMU ALAIKUM WARAHMATULLAHI WABAROKATU
( DI BACAKAN  DI KAMPUNG BONTOTE’NE, KELURAHAN BONTO LERUNG, KEC. GTINGGI MONCONG KAB. GOWA )
ATAS UNDANGAN  SAUDARA  “ LABBIRI”
malino

Otak sebuah komputer berada pada unit pemrosesan (Process device). Unit pemrosesan ini dinamakan CPU ( Central Processing Unit ). Fungsi CPU adalah sebagai pemroses dan pengolah data yang selanjutnya dapat menghasilkan suatu informasi yang diperlukan. Pada komputer mikro unit pemrosesan ini disebut dengan micro-processor (pemroses mikro) atau processor yang berbentuk chip yang terdiri dari ribuan sampai jutaan IC. Fungsi utama dari CPU bekerja dengan aritmatika dan logika terhadap data yang terdapat dalam memori atau yang dimasukkan melalui unit masukkan seperti keyboard, scanner, atau joystick. Kecepatan processor atau CPU ini diukur dengan satuan hitung hertz atau clock cycles. Saat ini, komputer memiliki kecepatan processor sampai giga hertz. 1 Giga Herzt sama dengan 1.000.000.000 herzt. Perkembangannya processor yang pertama kali muncul tahun 1990-an adalah pentium dengan kecepatan 75 Mega Hertz, dan saat ini kecepatannya sudah mencapai 3 Giga Hertz lebih dengan processor Pentium IV. Seiring dengan kecepatan Pentium IV, telah pula diperkenalkan processor dengan teknologi mobile yaitu Centrino (Pentium M – Centrino) jenis processor ini baru terdapat pada komputer-komputer built up, laptop, notebook. Saat ini, processor yang terbaru adalah Dual Core (Core Duo). Processor ini memiliki dua kecepatan giga hertz seperti memiliki dua processor. Beberapa produsen processor yang terkenal adalah Intel, AMD dan Cyrix. CPU bekerja berdasarkan instruksi suatu software, atau instruksi suatu program.

a. ALU ( Arithmetical Logical Unit )Fungsi unit ini adalah untuk melakukan suatu proses data yang berbentuk angka dan logika, seperti data matematika dan statistika. ALU terdiri dari register-register untuk menyimpan informasi. Tugas utama dari ALU adalah melakukan perhitungan aritmatika (matematika) yang terjadi sesuai dengan instruksi program. Sirkuit yang digunakan oleh ALU ini disebut dengan adder karena operasi yang dilakukan dengan dasar penjumlahan. Tugas lain dari ALU adalah melakukan keputusan dari operasi sesuai dengan instruksi program yaitu operasi logika (logical operation). Operasi logika meliputi perbandingan dua buah elemen logika dengan menggunakan operator logika, yaitu :

* Sama dengan (=)
* Tidak sama dengan ( <> )
* Kurang dari ( < ) * Kurang atau sama dengan dari ( <= ) * Lebih besar    dari ( > )
* Lebih besar atau sama dengan dari ( >= )

b. CU ( Control Unit )Fungsi unit ini adalah untuk melakukan pengontrolan dan pengendalian terhadap suatu proses yang dilakukan sebelum data tersebut dikeluarkan (output). Selain itu CU menafsirkan perintah dan menghasilkan sinyal yang tepat untuk bagian lain dalam sistem komputer. Unit ini mengatur kapan alat input menerima data dan kapan data diolah serta kapan ditampilkan dari program komputer. Bila terdapat instruksi perhitungan atau logika maka unit ini akan mengirim instruksi tersebut ke ALU. Dengan demikian tugas dari Control Unit ini adalah :

* Mengatur dan mengendalikan alat-alat input dan output
* Mengambil instruksi-instruk dari memori utama
* Mengambil data dari memori utama (jika diperlukan) untuk diproses
* Mengirim instruksi ke ALU bila ada perhitungan aritmatika atau perbandingan logika serta mengawasi kerja dari ALU
* Menyimpan hasil proses ke memori utama. Fungsi peralatan yang terdapat dalam CPU dibagi menjadi 3 Macam yaitu :

a. Peralatan Proses ( Process Storage)

Peralatan Proses adalah alat yang digunakan untuk melakukan suatu pemrosesan data. Yang termasuk peralatan proses adalah sebagai berikut.

1.) Processor Alat ini berfungsi sebagai pengolah data, processor merupakan bagian yang sangat penting dalam komputer. Kehandalan suatu komputer dapat dilihat dari processor yang digunakannya, misalnya Processor : Intel Pentium 4, AMD, Centrino dan Core Duo. Semakin tinggi tingkatan processor-nya semakin baik fungsi komputer tersebut.
2.) Register Register merupakan jenis memori yang terdapat pada processor dan sebagai memori internal processor. Register merupakan memori yang mempunyai kecepatan tinggi 5 sampai 10 kali dibandingkan memori utama. Register digunakan untuk menyimpan instruksi dan data yang sedang diproses oleh CPU, sedang instruksi-instruksi dan data lainnya yang menunggu giliran untuk diproses masih disimpan di memori utama.
3.) Cache memoriMerupakan memori yang dapat meningkatkan kecepatan komputer dan dikatakan sebagai memori perantara.
4.) ROM ( Read Only Memory)Memori dalam CPU berfungsi membantu proses kerja komputer. ROM adalah salah satu memori, mempunyai sifat hanya dapat dibaca dan tidak bisa diubah dan mempunyai sifat yang permanen atau tetap (non volatile). ROM mulai berfungsi saat menghidupkan komputer.Sebagian perintah ROM ini dipindakan juga ke dalam RAM berupa instruksi atau syntax-syntax. Misalnya, untuk melihat isi file dengan perintah DIR dan untuk mengecek kapasitas disket atau harddisk dengan CHKDSK, ROM bersifat tetap atau permanen bila terjadi mati listrik, file pada ROM tidak akan hilang. Instruksi yang tersimpan dalam ROM disebut dengan microinstruction atau firmware karena hardware dan software dijadikan satu oleh pabrik pembuatnya. Apabila isi dari ROM hilang atau rusak maka sistem dari komputer tidak dapat berfungsi, oleh karena itu pabrik komputer merancang ROM hanya dapat dibaca saja dan tidak dapat dirubah. Selain ROM terdapat pula jenis ROM yang dapat diprogram kembali yaitu PROM (Programmable Read Only Memory), yang hanya dapat diprogram satu kali dan tidak dapat diubah kembali. Kemudian terdapat pula jenis lain yang disebut dengan EPROM (Erasable Programmable Read Only Memory) yang dapat dihapus dengan sinar ultraviolet serta dapat diprogram kembali berulang-ulang. Dan jenis yang disebut EEPROM (Electrically Erasable Programmabel Read Only Memory) yang dapat dihapus secara elektronik dan dapat deprogram kembali.
5.) RAM ( Random Access Memory )Merupakan jenis jenis memori yang dapat dibaca, diisi, dan diubah menurut kebutuhan (volatile). RAM mempunyai sifat sementara. Sifat sementara ini maksudnya adalah jika terjadi mati listrik maka data yang berada dalam RAM akan hilang. Misalnya, Pada saat anda mengetik yang ketikan telah sampai dua lembar, tetapi belum disimpan hasilnya ke dalam disket atau harddisk, hasil ketikan Anda akan berada di dalam RAM. Bila terjadi mati listrik maka data yang ada di dalam RAM akan hilang, Struktur RAM dibagi menjadi empat bagian utama, yaitu :

* Input Storage, digunakan untuk menampung input yang dimasukkan melalui alat input.
* Program Storage, digunakan untuk menyimpan semua instruksi-instruksi program yang akan diakses.
* Working storage, digunakan untuk menyimpan data yang akan diolah dan menyimpan hasil pengolahan.
* Output Storage, digunakan untuk menampung hasil akhir dari pengolahan data yang akan ditampilkan ke alat output. Berdasarkan struktur RAM tersebut, data yang diinput ke dalam sistem komputer akan ditampung ke dalam input storage, bila data dalam bentuk instruksi program maka akan dimasukkan ke dalam program storage, dan bila dalam bentuk data dan hasil pengolahan data maka akan dimasukkan ke working storage, kemudian sebelum data akan ditampilkan atau output maka akan disimpan ke dalam output storage.

Terdapat beberapa jenis RAM yang beredar dipasaran hingga saat ini yaitu :

1. FPM DRAM (Fast Page Mode Random Access Memory), RAM yang paling pertama kali ditancapkan pada slot memori 30 pin mainboard komputer, dimana RAM ini dapat kita temui pada komputer type 286 dan 386. Memori jenis ini sudah tidak lagi diproduksi.

2. EDO RAM ( Extended Data Out Random Access Memory), RAM jenis ini memiliki kemampuan yang lebih cepat dalam membaca dan mentransfer data dibandingkan dengan RAM biasa. Slot memori untuk EDO – RAM adalah 72 pin. Bentuk EDO-RAM lebih panjang daripada RAM yaitu bentuk Single Inline Memory Modul (SIMM). Memiliki kecepatan lebih dari 66 Mhz

3. BEDO RAM (Burst EDO RAM), RAM yang merupakan pengembangan dari EDO RAM yang memiliki kecepatan lebih dari 66 MHz.

4. SD RAM (Synchronous Dynamic Random Access Memory), RAM jenis ini memiliki kemampuan setingkat di atas EDO-RAM. Slot memori untuk SD RAM adalah 168 pin. Bentuk SD RAM adalah Dual Inline Memory Modul (DIMM). Memiliki kecepatan di atas 100 MHz.

5. RD RAM (Rambus Dynamic Random Access Memory). RAM jenis ini memiliki kecepatan sangat tinggi, pertama kali digunakan untuk komputer dengan prosesor Pentium 4. Slot Memori untuk RD RAM adalah 184 pin. Bentuk RD RAM adalah Rate Inline Memory Modul (RIMM). Memiliki kecepatan hingga 800 MHz.

6. DDR SDRAM (Double Data Rate Synchronous Dynamic RAM). RAM jenis ini memiliki kecepatan sangat tinggi dengan menggandakan kecepatan SD RAM, dan merupakan RAM yang banyak beredar saat ini. RAM jenis ini mengkonsumsi sedikit power listrik. Slot Memori untuk DDR SDRAM adalah 184 pin, bentuknya adalah RIMM.